Lied

Text: Dabu Bucher – Zürich & Casalino 2018

Ussert das Lied

Wo isch das Lied?
wo so wi damals immer da isch
wenn alls andre nüt meh bringt
wo isch das Lied?
wo immer d Rettig gsi isch
beschti Medizin, wenn nüt meh glingt

Ich wott das Lied, wo mer guet tuet
das Lied, wo mi heilt
das Lied wi damals dihei
won i ganz ällei im Garte
gwartet han uf si
und es isch gar niemert cho
ussert das Lied

Ussert das Lied

Wo isch das Lied?
wo so wi damals wider das isch
wo du immer lüüter singsch – oh
isch das das Lied?
wo immer das isch, wo du gsuecht häsch
au wenn du susch nüt meh findsch

Ref. 

will nüt hilft
ussert das Lied
 
si isch gange, aber niemert isch cho – ussert das Lied
niemert verstaht das, niemert git mer es Ohr – ussert das Lied
nie wi all andere und niemert isch so – ussert das Lied
es gaht nie ganz ohni Lied – oh – ussert das Lied

nie ganz ohni canzoni

ussert das Lied
nume das Lied

Mundartlektorat: www.mundartlektorat.ch

Mach Der En Name

Text: Dabu Bucher – Zürich, Casalino, Engelberg 2018

Er spillt Bass, aber heisst Giger
si hät Hunger und heisst Beck
oder isch Beck und heisst Hunger
drum säg nie meh, d Wält seg perfekt

Si heisst Amacher und isch single
er isch Jäger und heisst Bär
oder schützt Bäre und heisst Jäger
drum säg nie meh, d Wält segi fair

So, wi me seit
isch nöd so, wi me meint
drum mach der sälber en Name
wenn d wotsch, dass jede en weiss

Er hät keis Dach über em Chopf, aber heisst Ziegler
si heisst Schlosser und isch frei
oder heisst Frei und isch i de Gschlossne
drum säg nie meh, s seg all’s o.k. – hey y

Er glaubt a nüt, aber heisst Christen
si wür so gern Papscht werde, doch heisst Jud
er isch jüdisch, sin Name Papscht
drum säg nie meh, ‘s seg Hollywood 

So, wi me seit
isch nöd so, wi me meint
drum mach der sälber en Name
wenn d wotsch, dass jede en weiss
So, wi me seit
isch nöd so, wi me meint
drum mach der sälber en Name
wenn d wotsch, dass jede en weiss – dass jede en weiss

Chumm mi mached eus en Name
und ziehnd en zämen in Dräck

Ref.

Mundartlektorat: www.mundartlektorat.ch

Solangs No Läbt

Text: Dabu Bucher – Zürich, im ICE, 2017, 2018

Es paar Fäderen am Wägrand, wo no schnuufed
es Vögeli, wo nüme wiiter mag
es chliises truurigs Eländ uf‘me Huufe
z höch gfloge über d Hüüser vo de Stadt

Chumm mir nehmed’s hei
solang’s no läbt
chumm mir nehmed’s hei
solang’s no läbt, bis’s wider flüügt

Mir beidi wüssed nöd wi mer’s uf d Bei bringt
as Vögeli am Bode, wo nüm singt
aber i eusem Garte sind no so vil Würm dinn
das Vögeli cha hole, so vil’s will – oh

Ref

mir mached all’s, dass’s wider flüügt wi von ällei
wider flüügt eso wi früehner, wider tanzt und wider lacht
und jetz wo’s gaht und sini Flügel wider spreizt
flüüged mir zwei immer höcher, über d Hüüser vo de Stadt

Ref.

Solang’s no läbt, solang’s no

Mundartlektorat: www.mundartlektorat.ch

Frisch usem Ei

Text: Dabu Bucher – Zürich, Berlin 2017, 2018

Lug eus a
frisch us em Ei
lueg de Tag a – chumm
lug eus zwei


Lug eu a
frisch us em Ei
lueg de Tag a – chumm
lug eus zwei


Nur so en Song
e Melodie
und all di Kater
verschwinded im Gebüsch


En Ton vo dir
en Ton vo mir
und alls isch wider
und alls isch wider, wi s muess si


Lug eus a
lug wi mir flüüged
Flugmodus dinn bis in Süde
frisch us em Näscht, scho de Schnabel off
händ so vil Eier, mir münd nöd in Schale cho

Lug eus a
los wi mir zwitschred
bis mer blau sind, bis es twittred
min Pelikan flüügt für eu über s Papier
mir sind Vögel, genau so Vögel win ihr – yeah

Ref.
Lug eu a
lug win ihr flüüged
wiit wäg vom Kater sine Lüge
ihr Zugvögel, Stadttuuben und Landeier
sind alles Stare uf dem Drahtseil

Lug eu a
los win ihr singed
win ihr usgsehnd, schönschti Flamingos
schlönd mal i d Flügel! Für eus tönt s wi Klavier
ihr sind Vögel, genau so Vögel wi mir – ou, wow

Ref.

Mundartlektorat: www.mundartlektorat.ch

Video

Text: Dabu Bucher, Severin Häne, Andreas Christen & Gianluca Giger
Zürich, Berlin 2018

Du und ich händ Videos glost
uf de Matratze
devo gseh hämmer nüt
dis Zimmer nur mit Videos voll
wo du scho all kännsch
aber gseh hämmer nüt
es ändet immer wider eso
jedes Mal nach em Videoshop
wil du dir nöd nur Film
mit hei nimmsch
wenn du Videos holsch

Mir händ i zwei so verschidene Film gläbt
und alli andere, di hetted sich verpasst
aber die eint Szene hät e Gschicht geh
für Millionen Episode, Nacht für Nacht


Mir zwei händ no Videos gholt
wo alli andre
scho alles gseh händ im Netz
sind immer no in Videoshop
wo au mir sälber
scho alles gseh händ im Netz
händ äxtra vo all dene Film
us Versehe nur gliichligi gno
und all di Film sind jedes Mal win ich
bi dir blibe bis morn

Ref.

Aber sit niemert meh da uslehnt
bliibt de Lade gschlosse
und di Film, wo du no häsch
bliibed bi dir
und ich chännt ewig da verusse
warte, du wirsch nie cho
wil du weg bisch
sit Netflix bisch furt – oh
wil du weg bisch
sit Netflix bisch furt

Ref.
für Millionen Episode
für Millionen Episode
für Millionen/Trillionen Episode, Nacht für Nacht

Mir zwei händ no Videos gholt
wo alli andre
scho alles gseh händ im Netz
sind immer no in Videoshop
wo au mir sälber
scho alles gseh händ im Netz
händ äxtra vo all dene Film
us Versehe nur gliichligi gno
und all di Film sind jedes Mal win ich
bi dir blibe bis morn

Ref.

Aber sit niemert meh da uslehnt
bliibt de Lade gschlosse
und di Film, wo du no häsch
bliibed bi dir
und ich chännt ewig da verusse
warte, du wirsch nie cho
wil du weg bisch
sit Netflix bisch furt – oh
wil du weg bisch
sit Netflix bisch furt

Ref.
für Millionen Episode
für Millionen Episode
für Millionen/Trillionen Episode, Nacht für Nacht

Mir händ i zwei so verschidene Film gläbt
und alli andere, di hetted sich verpasst
aber die eint Szene hät e Gschicht geh
für Millionen Episode, Nacht für Nacht

Mir zwei händ no Videos gholt
wo alli andre
scho alles gseh händ im Netz
sind immer no in Videoshop
wo au mir sälber
scho alles gseh händ im Netz
händ äxtra vo all dene Film
us Versehe nur gliichligi gno
und all di Film sind jedes Mal win ich
bi dir blibe bis morn

Ref.

Aber sit niemert meh da uslehnt
bliibt de Lade gschlosse
und di Film, wo du no häsch
bliibed bi dir
und ich chännt ewig da verusse
warte, du wirsch nie cho
wil du weg bisch
sit Netflix bisch furt – oh
wil du weg bisch
sit Netflix bisch furt

Ref.
für Millionen Episode
für Millionen Episode
für Millionen/Trillionen Episode, Nacht für Nacht

Mundartlektorat: www.mundartlektorat.ch

Berlin

Text: Dabu Bucher – Berlin, Zürich, Casalino, Engelberg 2018

Eu häts Glück da häre gschwämmt
e grossi Wälle über Nacht
jetz pflückeder und ernted
fremdi Saat

eui Händ sind gfüllt mit Gäld
eues Chorn isch under Dach
jetz bliibt eu nur no z fäschte
jedi Nacht

Aber immer, wenn ich in Berlin bin
immer, wenn ich in Berlin bin
immer, wenn ich in Berlin bin pisst s


s isch nöd vil wo mer eu gönnt
drum gönned ihr eu sälber
zuckerwatte, gröschts ballett
jedes Mal

Eue Pass bis obe gfüllt
Jede Ort bechunnt sin Stämpel
Ihr posted Bilder us schönschte Stedt
Tag für Tag

Aber immer, wenn ich in Berlin bin
immer, wenn ich in Berlin bin
immer, wenn ich in Berlin bin pisst s

Mundartlektorat: www.mundartlektorat.ch